Go to homepage

Makai Keahoulu blue ocean and shoreline

Rayn "Mālie" Young

‘O wau ‘o Rayn Kauanoemāliekamea‘i‘omakamae Young a no Miliani mai au. ‘O Gay ko‘u makuahine, ‘O Kaipo ko‘u makua kāne a ‘elua o‘u kaikua‘ana. He kaikamahine kā ko‘u kaikua‘ana.  

Puni wau i ka he‘enalu ‘ana, ka heluhelu ‘ana, ka ho‘oikaika kino ‘ana a me ka nanea wale ‘ana me ko‘u ‘ohana a me ko‘u mau hoa. 

He kama ‘ōlelo Hawai‘i wau. I ka makahiki 2017, ua puka wau mai ke kula ki‘eki‘e ‘O Kamehameha ma Kapālama. Ua hele wau i ke kula nui ma San Diego no ‘elua mau makahiki ma mua o ko‘u ho‘i koke ‘ana mai i Hawai‘i. Ho‘omau wau i ko‘u ‘imi na‘auao ‘ana ma ke kula nui ‘O Hawai‘i ma Mānoa. ‘Akahi nō ā loa‘a ka‘u kēkēlē laepua ma ka ‘ike Hawai‘i. 

Piha me ke aloha, me ka mahalo, me ka ha‘aha‘a i ko kākou mō‘ī wahine, ‘O Lili‘uokalani. Ma muli o kona na‘auao ‘ike mua, he mau kamalei lupalupa kākou. E ola mau ka ‘ōlelo Hawai‘i, ka ‘ike Hawai‘i a me ka mo‘omeheu Hawai‘i! He inoa no Lili‘uokalani.